BUTUAN CITY– Gi-angkon ni House lead prosecutor ug Batangas 2nd District Rep. Gerville “Jinky Bitrics” Luistro nga nakasinati kini og kakulang sa iyang mga tubag sa impeachment trial ni Vice President Sara Duterte human gilimitahan sa “yes or no” ang pipila sa iyang mga tubag sa clarificatory questions nila Sen. Robin Padilla ug Sen. Pia Cayetano.
Sumala ni Luistro, parte sa normal nga proseso sa pagtaral ang pagpangutana sa mga senator-judges, apan importante matud pa nga mapaklaro ang konteksto sa matag tubag.
Sa hearing, gikwestyon kini ni Cayetano kalabot sa tumong sa affidavit ni Arturo Lascañas, samtang gikwestiyon usab ni Padilla kung kini notarized; giklaro sa prosecution nga gipa-atubang lamang kini aron ipakita ang dagan sa imbestigasyon sa NBI ug dili isip pamatuod sa unod.
Tungod niini, mipasaka si Luistro og manifestation aron mabutang sa rekord ang tibuok tubag niini, dungan sa pahinumdom ni Sen. Francis “Chiz” Escudero nga ang affidavit gitanyag lamang isip parte sa proseso sa imbestigasyon.
Samtang gi-insistar ni Padilla nga ang responsibilidad sa prosecution dili lang ang mo daog sa kaso kundi pangitaon ang kamatuoran samtang ang depensa usab kinahanglang siguraduhon ang katungod sa tao ug balanse sa gahum, butang nga gisupak ni Luistro, nga nag-ingon nga katungdanan sa prosekusyon ang pagpamatuod sa kaso batok sa respondent.
