BUTUAN CITY – Nagisa pag-ayo ang prosecution witness nga si National Bureau of Investigation Regional Director for the Bangsamoro Autonomous Region in Muslim Mindanao Atty. Jeremy Lotoc sa mga senator-judges sa nagpadayon nga impeachment trial batuk kang Vice President Sara Duterte.
Sama na lang sa pangutana ni Senate President Sherwin Gatchalian kung nganung wala gidawat sa NBI ang pag-deny sa besi presidente nga duna kini gikontrata aron mupatay nila Pangulong Ferdinand Marcos jr, First Lady Liza Marcos ug kini House Speaker Martin Romualdez.
Kini ilabina kay ang pagtoo niini nga duna gayo’y gikontrata nang tawo, nagsimukad lang sa pamahayag og wala nay laing ebidensiya.
Na-apil pa sa gihimong tubag ni Lotoc ang amahan nga si kanhi Pangulong Rodrigo Duterte rasong dunay kapasidad matud pa nga mubuhat ang besi presidente sa maong pagpatay.
Samtang nagkapuliki sa pagtubag si Atty. Lotoc sa pangutana ni Senator-judge Alan Peter Cayetano sa hisgutanang admission against interest.
Samtang gipangutana usab kini kung nganung sa cyber-crime gi-refer ang maong isyu ug dili sa Anti-terrorism o sa intelligence nga gitubag usab sa witness nga tungod kay gihimo kini diha sa social media.
Apan gitumbok ni Cayetano kung unsa ang mas bug-at ang assassination plot o ang cyber aspect diin natapos ang pangutana sa senador pinaagi sa mensahe nga unta mausab ang panghuna-huna sa NBI diin mas bug-at ang cyber aspect kaysa mapatay ang pangulo.
