BUTUAN CITY – Nagpagawas na og warrant of arrest ang makati City Regional Trial Court Branch 148 batuk kang Atty. Levito Baligod para sa duha ka ihap sa cyberlibel.
Nag-ugat kini sa gisang-at nga reklamo ni Agriculture Sec. Francisco Tiu Laurel Jr. nga giakusahang midawat og kickback sa maanumalusong flood control projects.
Gawas niini, gipabayad si Baligod og 20-mil pesos nga piyansa para sa kada ihap sa cyber libel.
Gitahasan usab ang mga awtoridad nga sundon ang mga patakaran sa Korte Suprema sa paggamit sa body-worn cameras o uban pang recording devices samtang gihimo ang pag-aresto sa abugado.
Gikumpirma usab ni Baligod nga nadawat niya ang kopya sa warrant of arrest.
Apan gipamugos niini nga wala siya nahatagan og higayon nga depensahan ang iyang kaugalingon tungod kay wala sila nakadawat og subpoena gikan sa piskalya.
Sumala pa sa abogado, sayup ang address nga gihatag sa panahon sa imbestigasyon rasong wala siya nakasumite sa iyang counter-affidavit.
Si Baligod ang mibarug nga counsel sa 18 ka nagpailang kanhe bodyguard ni kanhe Ako Bicol Party-list Representative Zaldy Co nga kasamtangang gipangeta tungod sa mga kasong giatubang sa nasud.
