BUTUAN CITY – Ipadayon karong Lunes, Hulyo 13, ang impeachment trial batuk kang Vice President Sara Duterte kondiin gila-umang ipa-atubang sa prosekusyon ang sunod nilang testigo nga si National Bureau of Investigation kon NBI Atty Jeremy Lotoc. Gi-reschedule siya gikan Hulyo 8 tungod sa trial strategy sa prosecution.
Gila-uman nga muhatag og expert testimony si Lotoc kabahin sa forensic examination sa NBI sa viral video ni Duterte aron mapamatud-an ang authenticity sa video ug wala’y tima-ilhan nga gi-manipulate kini o gigamitan og artificial intelligence kon AI.
Sigon ni Public Prosecutor Ysabel Maria Zamora, dili nila gusto nga magdugay ang sesyon ug mas maayo nga ipresenta si Lotoc sa Lunes aron mas kompleto ang pagtubag sa mga pangutana sa prosecution, depensa, ug senator-judges.
Kini ilabina nga nagtuo silang natubag og sakto sa ilang unang saksi nga si NBI senior agent John Mark Calilung ang mga pangutana sa depensa.
Human ni Lotoc, nakalinya usab sila Office of the Vice President kon OVP Chief of Staff Zuleika Lopez ug NBI Chief Melvin Matibag nga gipa-subpoena na sa impeachment court. Ang testimonya ni Lotoc mahimong crucial aron lig-onon ang Article 1 sa impeachment — ang grave threats ug assassination remarks batok sa presidente ug uban pang opisyal.
