BUTUAN CITY – Natapos na ang makasaysayanong kampanya sa Filipina tennis star nga si Alexandra ”Alex” Eala sa Wimbledon human siya mapildi sa ikaupat nga round.
Napildi si Eala sa Italyanong si Jasmine Paolini sa three-set match, 6-4, 4-6, 6-3, sa London kagabii.
Sa unang set, nakuha ni Paolini ang kontrol sa dula, apan nakabawi si Eala sa ikaduhang set ug napugos ang deciding set human midaug sa 6-4.
Sa katapusang set, nahimong dikit ang dula apan nasipyat si Eala sa pipila ka crucial points rasong nakuha ni Paolini ang kadaugan ug nakasulod sa quarterfinals sa torneo.
Bisan paman sa kapildihan, dakong kadaugan pa gihapon kini para kang Eala tungod kay siya ang pinaka-unang Pilipino sa taas nga panahon nga nakaabot sa ikaupat nga round sa Wimbledon singles.
Una na niyang gipildi ang world number 1 nga si Iga Swiatek sa ikatulong round, nga usa ka historic upset sa iyang karera.
Sigon ni Paolini, malipayon siya sa iyang kadaugan ug nagpasalamat siya sa maanindot nga atmosphere sa torneo.
