BUTUAN CITY – Opisyal nang gideklara sa National Jury of Elections (JNE) sa Peru ang pagdaog ni Keiko Fujimori sa bag-o lang nahuman nga run-off presidential election.
Sa gamay nga labaw nga halos 50,000 ka mga boto, napildi niya ang kontra nga si Roberto Sánchez.
Nakakuha si Fujimori og 50.135% sa boto kumpara sa 49.865% ni Sánchez, ug nakatakdang manumpa isip presidente sa Hulyo 28, dungan sa pagsa-ulog sa adlaw sa kaugalingnan sa maong nasud.
Kini na ang ika-upat niyang pagsulay nga mahimong presidente human napildi kaniadtong 2011, 2016, ug 2021. Ang iyang kampanya nakapokus sa pagpugong sa kriminalidad ug pagpabalik sa kahapsay ug kalinaw sa ilang nasud.
Kusog ang suporta niya sa capital Lima ug sa mga botante gawas sa nasud, samtang si Sánchez nakakuha og boto gikan sa mga rural ug mga netibong komunidad.
Si Keiko mao ang anak sa kanhi presidente nga si Alberto Fujimori, nga gilock-up tungod sa korapsyon ug paglapas sa tawhanong katungod.
