BUTUAN CITY – Girespeto sa Partido Manggagawa ang gihimong mga lihok-protesta sa mga membro sa Iglesia ni Cristo bisan pa nga ang unang adlaw niini, gihimo nga wala’y permit.
Sigon ni Partido Manggagawa spokesperson Wilson Fortaleza, katungod sa tanang Filipino nga magrali aron ipadayag ang ilang mga yangungo batuk sa gobyerno basta alang kini sa kaayuhan sa kinabag-ang katawhan.
Sa eksklusibong pakighinabi ning sibyahan, gipadayag ni Fortaleza nga wala na nila gipadako ang mga isyung ilang nakita sa maong protesta nga sama sa ilang gisinggit nga dili ipraktis ang selective justice tungod kay mismong ang mga raliyesta, nagpakita na sa ilang selective justice nga gihimo – ang pagrali nga wala’y permit sukwahi sa mga progresibong grupo nga dili tugutan ug babagan gayod sa mga otoridad kung magtapok nga wala’y permit.
Kini gawas pa sa dili madwat usab nila nga demand nga dili kasuhan ang ilang igsoon sa pagtuo nga si Senador Rodante Marcoleta kansa dili makatarunganon tungod kay ang ubang mga senador kaniadto nga napriso, wala’y grupong nangusog nga dili sila dakpon o kasuhan.
