BUTUAN CITY – Gikonsiderang malampuson ang gihimong lihok protesta sa Iglesia ni Cristo kon INC nga natapos kagabii sa Liwasang Bonifacio sa Manila.
Sigon ni Jeffrey “Ka Eric” Celiz, secretary general sa Bangon Sambayanan nga bisan og wala nakab-ot nila ang panawagang resignation kang Pangulong Ferdinand Marcos jr sa iyang puwesto, nakab-ot gihapon sa grupo ang pagpukaw sa katawhan aron ipakita ang kasuko, pagsupak sa korapsiyon og panawagan sa katarungan.
Miabot matud pa sa 40-mil ka tawo ang midagsa sa duha ka adlaw nga protesta sa Quezon City og nadugangan pag 20-mil katawo sa Manila.
Apan bisan paman sa hugot nga pagsupak sa maong grupo sa lakang nga pakasuhan si Senador Rodante Marcoleta, pwede gihapong ipamugos ni Ombudsman Jesus Crispin Boying Remulla ang kaso kansa maoy nakapasuko sa grupo.
Sa lantaw ni Celiz, nag-recalibrate karun sila Remulla kung unsaon sa pagkamang aron makuha ang 16 ka senador aron makumbikto si Vice President Sara Duterte bisan og anaa si Marcoleta o bakaha pakalmahon lang ang sitwasyon adiser ipasaka ang kaso og prisuhon ang senador ilabina kay walay piyansa ang kasong plunder.
Kini dayung angkon ni Celiz nga dako ang kawad-on ni Marcoleta sa minority group aron mahatagan og hustisya si Vice President Sara Duterte alang sa saktong proseso sa pagtaral.
