BUTUAN CITY – Wala’y kausaban sa iskedyul ni Pangulong Ferdinand Marcos Jr. sa iyang pagbiyahe paingon sa Canada.
Sumala ni Presidential Communications Office Secretary Dave Gomez, bisan pa sa surprise rally nga gihimo sa Iglesia ni Cristo sa Edsa kagahapon, padayon gihapon ang State Visit sa Pangulo sa Vancouver, Canada.
Duna siya’y himuong business forums diin makigkita ang Pangulo sa mga Canadian investors aron dasigon ang dugang nga pamuhunan sa Pilipinas, ilabi na sa information technology kon IT, infrastructure, ug energy sectors.
Kini mao ang pinaka-unang state visit sa Pangulo sa Pilipinas ngadto sa Canada sulod sa kapin 10 ka tuig, nga gitan-aw nga usa ka lakang aron mas mapalig-on ug mas mapalawom pa ang dugay nang relasyon sa duha ka nasud.
