BUTUAN CITY- Kpain 1,000 ka-tao na ang patay sa France tungod sa grabe nga heatwave nga ming-igo sa Europa, sumala sa French public health agency.
Kadaghanan sa mga namatay mga senior citizen o nag-edad 65-anyos pataas, apan gilaomang mosaka pa ang ihap samtang padayon nga gikolekta ang datos gikan sa mga kabalayan ug residential care facilities.
Sumala sa mga siyentipiko, ang heatwave nga nagsugod niadtong Hunyo 20 ang pinakagrabeng natala sa Europa, kung asa mas pas-pas ang pag-init sa klima kumpara sa global average.
Mingresulta kini sa pagkamatay, pagkaguba sa imprastraktura, ug pagkalangay sa suplay sa kuryente sa pipila ka nasud.
Bisan kung ang grabe nga kainit mihubas sa daghang mga bahin sa France, pipila ka mga lugar sa amihanan-sidlakan sa nasud nagpabilin nga ubos usab sa heatwave alert.
Sigon ni French Health Minister Stéphanie Rist nga posibleng masinati pa ang epekto sa grabeng init hangtud 10-ka adlaw bisan minghuyang na ang heatwave.
Base sa health agency, bisan grabeng na-apektuhan ang mga tiguwang, nakasinati usab sa epekto niini ang tanang edad.
