BUTUAN CITY- Ming-abot na sa upat ka barko sa China ang nasigpatan nga nagsunod-sunod sa kataposang Maritime Cooperative Activity (MCA) sa Pilipinas ug Estados Unidos sa West Philippine Sea, partikular palibot sa Bajo de Masinloc.
Kini ang unang MCA sa lugar sukad nahawa ang Chinese floating structure sulod sa bahura, nga kaniadto kontrobersyal tungod sa giingong ilegal nga presensya niini.
Sumala sa taho sa Armed Forces of the Philippines (AFP), lakip sa mga barko sa China ang duha ka Jiangkai-class frigates, usa ka Jiangdao-class corvette, ug usa ka auxiliary tanker.
Gawas niini, usa ka Chinese maritime patrol aircraft ang minglupad ibabaw sa lugar samtang gihimo ang drills. Taliwa sa presensya sa mga barko sa China, malampuson nga nahimo sa AFP ug US forces ang mga gikatakdang aktibidad sama sa search-and-rescue operations, visit-board-search-and-seizure drills, ug division tactics.
Ang MCA parte sa mga lapas nga Salaknib 2026 joint military exercise, nga gipukosan sa kapin 7,000 ka tropa gikan sa Pilipinas, US, Japan, New Zealand, ug Australia.
Tumong niini nga pakusgsan ang maritime domain awareness ug interoperability sa mga kaalyadong nasud taliwa sa padayon nga tensyon sa West Philippine Sea.
Sigon sa AFP, ang ilang aktibidad legal ug mingsubya sa international law, ug parte sa pagpatuman sa arbitral ruling niadtong 2016 nga nagbasura sa halapad nga claim sa China sa nasangpit nga kadagatan.
