BUTUAN CITY – Gibana-banang kapin sa 10,000 ka mga indibidwal ang White Ribbon March sa EDSA kansa gisugdan sa usa ka misa sa EDSA Shrine ug nagmartsa na padulong sa People Power Monument samtang halos 9,600 ka mga pulis usab ang gi-deploy aron masiguro ang kaluwasan sa tanan.
Ang misa sa EDSA Shrine, gi-officiate ni Kidapawan Bishop Jose Bagaforo samtang ang mga partisipante nagsul-ob og puti nga sinina ug nagbitbit og white ribbons isip simbolo sa anti-corruption advocacy.
Gisugdan ang pagmartsa pasado ala-1:00 hangtud ala-1:30 sa hapon samtang ang formal program gisugdan pasado alas-3:00 sa hapon. Gisalmutan usab kini sa mga religious leaders, civil society groups, ug mga kanhi magbabalaud sama nila Liza Maza, France Castro, Satur Ocampo, ug Teddy Casiño.
Singgit sa mga dili iladong misalmot nga panahon na aron sumpuon ang kurapsyon ug patubagon ang mga nalambigit niini dungan sa panawagan nga hunungon na ang away sa pulitika tungod kay ang yanong katawhan ang apektado niini.
