BUTUAN CITY- Posibleng mo-abot sa typhoon category ang bagyong anaa sa sidlakan sa Pilipinas. Sa pagkakaron, usa pa lang kini ka tropical depression ug anaa sa gawas pa sa Philippine Area of Responsibility kon PAR.
Nasigpatan ang nasangpit nga bagyo sa gilay-on nga 1,735 kilometro sa silangan sa Eastern Visayas.
Aduna kini maximum sustained winds nga 55 kilometros matag oras duol sa sentro ug paghuros og hangtud 70 kilometro matag oras, samtang minglihok sa direksyong west northwestward sa gipas-pason nga 35 kilometros matag oras.
Bisan paman nga wala pay direktang epekto sa nasud, padayon gihapon nga gibantayan sa mga eksperto ang maong sistema aron masuta ang posibleng ma-apektuhan.
Ugaling mosulod kini sa PAR, hatagan kini og local name nga Francisco, kinsa ang ika-unom na daot nga panahon karung 2026.
