-- ADVERTISEMENT --
BUTUAN CITY – Paspas nga nag-viral ang pagtudlo ni Russian President Vladimir Putin ngadto kang Pangulong Ferdinand Marcos Jr. kung unsaon paggamit ang earpiece nga gibutang sa lamisa tungod mismo sa iyang gilingkuran.
Makita sa video nga gimostra ni Putin kang Pangulong Marcos nga suuton ang earpiece kansa importante aron masabtan ang ilang mga istorya tungod kay magsilbi man kining simultaneous interpreter.
Makita pa nga naghulat si Putin samtang naningkamot si Marcos unsaon pagbutang sa earpiece diha sa iyang dalunggan kondin gitudloan pa siya sa hustong paagi sa paggamit niini.
Dihang nasul-ob na ni Marcos ang earpiece, malipayon nga misulti si Putin og “yes,” nga klarong nalipay nga nahuman na ang gamay’ng concern.
