BUTUAN CITY- Mala-umon sila President Ferdinand Marcos Jr. ug German Pres. Frank-Walter Steinmeier nga mahimong molungtad og dugay ang hunong-buto tali sa Amerika ug Iran.
Tubag kini sa duha ka lider human gipangayo-an og reaksiyon subay sa anundyo nga ceasefire sa duha ka nasud arom taposon na ang kagubot ug pagbukas na usab sa Strait of Hormuz.
Sumala ni Pres. Steinmeier, importanteng lakang ang paningkamot padulong sa kalinaw
Pag-insistar sa German leader, dako ang epekto sa pagsira sa Strait of Hormuz sa presyo sa pagkaon, abono, ug panginabuhi-an sa tanang katawhan sa tibuok kalibotan
Sa kampo usab ni President Ferdinand Marcos Jr., minglaom kini nga hingpit nang mapatuman ang kasabutan, lakip ang paghunong sa panagbangi ug pagbukas na usab sa importanteng rutang pandagat ang Strait of Hormuz.
Dugang pa sa Chief Executive, nasinati sa Pilipinas ug uban pang nasud ang epekto sa kagubot sa ekonomiya ug pagsaka sa presyo sa lana.
Nagtuo si Pangulong Marcos, nga moresulta ang kasabotan sa malungtarong kalinaw ug pagbangon sa ekonomiya gikan sa mga epekto sa gubat.
