BUTUAN CITY- Maka-atbang sa Filipina tennis sensation nga si Alex Eala ang beteranang Croatian nga si Donna Vekic sa Round of 32 sa Berlin Open karong semanaha. Si Eala, nga misulod isip wildcard entry sa torneo, nagpadayon sa iyang kampanya sa grass-court season human sa impresibong performance sa Birmingham Open.
Dala niini ang pagsalig batok kang Vekic tungod sa iyang kadaugan sa ilang unang panagtagbo sa ASB Classic pinaagi sa 4-6, 6-4, 6-4 nga resulta. Bisan pa niini, giila si Vekic isip usa sa mga eksperyensiyadong player sa WTA Tour, nga nahimong silver medalist sa 2024 Paris Olympics ug kanhi semifinalist sa Wimbledon. Gilauman nga mahimong dikit ug de-kalidad nga duwa ang ilang panagsangka tungod sa maayong porma ug momentum nga gipakita sa duha ka atleta sa kasamtangang grass-court season.
