BUTUAN CITY- Gi-ila sa Department of Migrant Workers kon DMW ang mga Overseas Filipino Workers kon OFW isip usa ka mga buhi nga simbolo sa ka-isog, kakugi ug paglaum dungan sa pagselibrar sa ika-128 nga anibersaryo sa Independence Day o Adlaw sa Kaugalingnan kagahapong adlawa, Biyernes Hunyo 12. Sa usa ka video message gihatagan og ginbug-aton ni Migrant Workers Secretary Hans Leo Cacdac, nga asa mang natad gipakita matud pa sa mga OFW ang kahanas, kaluoy, disiplina ug dungog sa pagka Pilipino.
Gi-ila usab sa Secretary ang mga sekripisyo ug paghigugma sa nasud, mga bayani ug tanang mga pilipino nga nag buhis sa ilang kinabuhi aron makab-ot ang kasamtangang gitamtam nga kagawasan. Gi-ihemplo usab niini ang padayon nga paghinumdum sa kagawasan kansa dili lang matud pa parte sa kasaysayan apan usa usab ka tulobagon nga kinahanglang, ampingan ug ipamana sa sunod nga henirasyon.
Gipasiugda usab ni Cacdac ang importansya sa tema karun nga mahimong mas lig-on ang nasud Pilipinas kung dili kalimtan ang mga pagtulon-an kani-adto, diin sigon niini nga ang tinuod nga kawagawasan mao ang manginabuhi nga adunay dignidad, magtrabaho nga adunay tumong ug magdamgo nga walay kahadlok.
