BUTUAN CITY – Human ang halos usa ka semana, gibu-ak na ni Tab Baldwin, ang head coach sa men’s basketball team sa Ateneo de Manila University nga Ateneo Blue Eagles, ang iyang pagpakahilom kondiin nangayo na kini og pasaylo sa tanan nga nadismaya sa nadangatan nila Rene Clert Baterbonia ug Nigerian Divine Adili ilabina sa ilang mga pamilya.
Sa iyang gipagawas nga video message, gipadayag ni Baldwin nga nasayop siya sa iyang pagtuo nga mabaw lang ang level sa tubig-dagat nga gidaganan sa maong mga basketbolista hangtud nga nariyalisar na nilang delikado na ang ilang nadangatan.
Dinhi na matud pa niya nasinati ang pinakangitngit nga yugto sa iyang kinabuhi human nasayran nga nawala na ang duha niya ka mga magdudula nga dapat ubos unta sa iyang pag-atiman ug iyang nariyalisar ang mas ngitngit ug mas bug-at pa nga gibati sa pamilya sa duha.
