BUTUAN CITY – Subling gi-ablihan sa Pilipinas ang export sa mga preskong pinya ngadto sa United Arab Emirates (UAE) bisan pa og adunay problema karon sa shipping ug transportasyon sa rehiyon.
Sumala sa Department of Agriculture (DA), adunay unang shipment nga 18 metric tons o 1,500 ka kahon sa MD2 pineapples nga gipadala sa Khorfakkan Port sa UAE niadtong Hunyo 6 nga gikan sa Tampakan, South Cotabato ug gilauman nga moabot sa UAE sa Hunyo 25 o 26.
Bisan pa sa taas nga freight cost ug kalisod sa shipping tungod sa Red Sea crisis, nadayon gihapon ang pagpadala sa produkto.
Sigon sa DA, usa kini usa ka paagi sa pagpalapad sa merkado sa mga produktong agrikultura sa Pilipinas ug aron madugangan ang kita sa mga mag-uuma.
Sumala sa DA, matag kahon sa produkto nga makaabot sa bag-ong merkado nagpasabot og dugang kita sa mga mag-uuma ug trabaho sa mga trabahante.
Ang Pilipinas ug UAE nagpirma kaniadto og free trade agreement nga makatabang sa mas sayon nga pagpasulod sa Philippine goods ngadto sa Middle East.
