BUTUAN CITY- Minghapak na sa 31 ka-tao samtang kapin usa ka dosena usab ang missing human ming-igo ang kusog nga magnitude 7.8 nga linog sa Sarangani kagahapon sa buntag Hunyo 8, 2026.
Kapin 130 ka-tao usab ang na-angol sa mga provincial authorities, samtang nagpadayon ang search and rescue operations sa mga pinaka-apektadong lugar.
Sumala sa Philippine Institute of Volcanology and Seismology, alas-7:37 sa buntag dihang ming-igo ang kusog nga linog sa lungsod sa Maasim, Sarangani. Naggikan matud pa kini sa paglihok sa Cotabato Trench.
Samtang, 9 ka tao usab ang gitahong namatay sa General Santos City.
Padayon ang pagkabot sa mga rescuer sa usa ka anhugnong grocery store sa General Santos City kung asa gituohang natabunan ang pipila ka empleyado.
Sumala sa mga opisyal, dakong hanggit sa kasamtangan ang pagkawala sa kuryente ug komunikasyon sa pipila ka lugar hinungdan nga naglisud sila nga makakuha og kumpletong impormasyon kalabot sa lapad nga kadaot.
Sa mga video nga mingkuyanap sa social media, makita ang pagkahugno sa usa ka shopping center nga adunay kaubang fast-food restaurant. Nahugno usab ang usa ka school building, apan walay tao sa sulod dihang nahitabo ang maong linog.
Kpain 2,000 ka residente na ang gibalhin tungod sa hulga nga tsunami human ang linog.
Gani sa wala magdugay gikuha ra usab ang tsunami warnings sa Pilipinas ug sa ubang silingang nasud, samtang nagpabiling nag-igmat ang mga awtoridad ug padayon nga gisusi kung luwas na nga makabalik sa ilang mga panimalay ang mga mingbakwit nga residente.
Tungod sa insidente, gisuspendi ang klase sa tibuok Mindanao kansa unang adlaw unta sa klasse.
Temporaryo usab nga gisira sa General Santos Airport human makita ang dakong kadaot sa pipila ka parte sa terminal building.
