BUTUAN CITY – Nagsugod na paghagudhod padulong sa mga tunghaan ang mga magtutungha alang sa pagbukas na karong adlawa sa school year 2026-2027.
Kini human ang usa ka semanang Brigada Eskwela nga gituyo aron diretso na sa pagklase ang mga bata.
Sigon ni Department of Education kon DepEd-Caraga assistant regional director Pedro Escobarte Jr., andam na ang tanang 12 ka mga schools divisions ilabina nga ning mi-aging semana pa nila gi-highlight ang personnel deployment ug ang pag-address sa panginahanglanon sa mga classrooms uban sa koordinasyon sa mga local government units.
Dugang pa ni Escobarte Jr., andam na usab ang 33,637 ka mga guro nga nadestino sa 13 dibisyon sa tibuok rehiyon nga magpatuman sa three term school calendar. Suportahan sila sa 2,963 ka mga teaching related personnel ug 4,234 ka mga non teaching personnel.
