BUTUAN CITY – Nanawagan si Ukrainian President Volodymyr Zelensky og face-to-face nga panagpulong tali kaniya og ni Russian President Vladimir Putin sa bag-ong paningkamot nga matuldukan ang giyera.
Sa sulat ngadto sa Russian president, gibutyag sa Ukrainian leader nga sayop ang paghulat lang hangtud nga ang giyera sa Europe mahimong tutukan sa US dayung butyag nga ang kalinaw makab-ot lang pinaagi sa direktang pakiglambigit sa Ukraine and Russia.
Gipanawagan usab niini ang hingpit nga ceasefire sa mga panahon nga gisugyot ang negosasyon, butang nga gibasuran bag-ohay lang ni Putin.
Una nang gipahayag ni US President Donald Trump nga mas maayong magtagbo ang duha ka lider.
Gikumpirma sa Kremlin nga nadawat nila ang sulat og hisgutan kini ngadto kang Putin.
Dili kini bag-ong hanyag gikan sa lider sa Ukraine diin una nang nagpadayag nga andam siyang makighimamat kang Putin sa Moscow.
Sa pamahayag sa St Petersburg gibutyag ni Putin nga andam siya og gustong makakab-ot og kasabutan sa Ukraine.
