BUTUAN CITY – Andam na ang mga tunghaan sa rehiyon sa Caraga alang sa pagsugod sa klase karung Hunyo 8.
Kini ang gipahayag ni Department of Education kon DepEd-Caraga Asst Regional Director Pedro Escobarte Jr atol sa press conference kagahapong adlawa.
Sigon pa sa opisyal nga gawas sa mga naunang pagpangandam sama sa mga pagbansay sa mga magtutudlo, aktibong pagresponde sa kakulangon sa lawak tulunghaan, komitado matud pa ang departamento sa paghatod pg de kalidad nga edukasyon nga inklusibo ug accessible sa tanan aron maseguro nga ang nga estudyante dili maulahi hinoon madasig ug molambo.
Dugang pa ni Escobarte Jr. nga sa lig-on nilang partnership sa mga Local Goverment Units kon LGUs, ug uban pang stakeholders, maseguro ang malampusong pag abli sa klase sunod semana.
Tungod niini, malipayong nagpaabot ug mensahe ang opisyal sa libuan ka mga magtutungha nga matud pa preparado na ang DepEd e welcome ang mga estudyante resulta sa episyenting proceso sa enrollment ug bastanting gidaghanon sa mga magtutudlo.
Nasayran nga ang Caraga region dunay 2,515 ka bag-ong na promote nga magtutudlo ug duna karoy dugang 2,041 ka bag-ong gimugna nga teaching items para sa school year 2026.
Sa tibook Caraga, 33,637 ang mga magtutudlo gikan sa nagkadaiyang syudad ug probinsya.
