BUTUAN CITY- Mingsugot ang Israel ug Hezbollah nga banhawon na usab ang ceasefire o hunong-buto taliwa sa unang paglapas sa kasabutan.
Ang bag-ong kasabotan napatuman pinaagi sa US ug adunay hugot nga mga kondisyon alang sa pikas kampo.
Ang mga nag-unang kondisyon sa kasamtoan mao ang pag-atras sa Hezbollah sa amihanang Litani River, nga labing-minus 30 kilometros ang gilay-on gikan sa border sa Israel.
Lakip usab sa kondisyon ang inanay nga pag-atras sa mga tropa sa Israel gikan sa southern Lebanon padulong sa parte sa ilang border.
Subling ang Lebanese Armed Forces ug mga tropa sa United Nations peacekeeping lang ang tugotang mag-istasyon sa “buffer zone” sa habagatang Litani River.
Mingbarog usab ang Israel sa katungod nga molihok o mobalos batok sa Hezbollah ugaling adunay naka-planong pag-atake o paglapas sa hunong-buto.
Tungod sa maong kasabotan, libuan ang mingbakwet nga mga residente ang nakabalik na sa ilang mga panimalay sa southern Lebanon.
Bisan paman, ang sitwasyon nagpabiling fragile o marupok tungod aduna gihapoy mga taho sa pagbinaylo-ay uug pag-atake sa drone tali sa duha ka kampo human gipatuman ang hunong-buto.
