BUTUAN CITY- Ming-abot na sa 27 ang ihap sa mga namatay sa nahugno nga usa ka nine-story building nga gitukod sa Barangay Balibago, Anges City, Pampanga human makuha ang duha ka patay’ng lawas kagahapon sa gabie, sumala sa Bureau of Fire Protection kon BFP Central Luzon.
Base sa taho sa BFP, ang ika-26 nga biktima narekober sa may alas 6:40 sa gabie samtang ang ika-27 nakuha usab sa may alas 7:10 sa gabie. Una niini, bandang alas 3:45 sa hapon, narekober usab ang patay’ng lawas sa ika-25 nga biktima taliwa sa kusog nga pag-ulan.
Kahinumduman nahitabo ang insidente niadtong Mayo 24, kung asa nahugno ang gitukod nga building kansa nasayrang himuong hotel. Kadaghanan sa mga na-trap mga construction worker.
Sa unang parte sa rescue operations, 27 ka-tao ang naluwas gkan sa nahugno nga istruktura.
Padayon usab ang imbestigasyon sa Department of Labor and Employment kon DOLE sa insidente.
Minggawas sa unang resulta nga adunay posibleng paglapas sa occupational safety and health standards sa construction site.
Una na usab nagpagawas og work stoppage order ang DOLE Central Luzon tungod sa mga kapakyasan sa seguridad sa proyekto, samtang nagpadayon ang pagpangita ug retrieval operations sa lugar.
