BUTUAN CITY – Direktang gitudlo sa usa ka kanhe Executive judge sa Hall of Justice sa Butuan City ang minority bloc nga maoy hinungdan sa kagubot karun sa senado.
Sumala ni Kanhe Judge Immanuel Escatron nga plastada na ang pagdumala ni Senate President Alan Peter Cayetano apan gilawgaw kini sa minority group. Gipananglitan niini ang pag-walkout atol sa sesyon human wala nakuha ang ilang gusto nga diskusyon butang nga dili angay sa usa ka senador.
Nalantawan sa kanhe judge nga ang gihimong kagubot sa senado tungod sa subling pagtuki sa imbestigasyon may kalabutan sa flood control nga eskandalo nga kaniadto giputol ni Senador Panfilo Lacson.
Kini tungod sa dakong kaulawon matud pa ugaling mapadayon ang imbestigasyon sa senate blue ribbon committee ilabina kay dunay sub-committee nga gihimo nga gidumala ni Senador Rodante Marcoleta.
Nakapangutana usab ang kanhe judge kung natarong ba ang imbestigasyon adiser ang pagpagawas sa warrant of arrest kang Senador Jinggoy Estrada tungod sa nakitang posibling motibo nga political strategy aron lang piangan ang liderato ni Cayetano.
Tungod niini nga panghitabo sa senado, nanawagan si escatron sa tanan nga mahimong makalmahon og maminaw o subaybayan kung sakto ba ang trabaho sa mga senador.
Angayan matud pang obserbahan kung nagtrabaho ba ang mga senador alang sa kaayuhan sja katawhan.
