BUTUAN CITY – Gipaneguro sa National Irrigation Administration (NIA) nga andam kini sa posibilidad sa dakong epekto sa El Niño karung tuiga pinaagi sa mga proyektong nakatutuk sa climate resiliency ug pagseguro sa igong suplay sa tubig para sa agrikultura.
Sigon ni NIA Administrator Eduardo Guillen nga dugay nang nangandam ang ahensya para sa mga epekto sa climate change ug ting-init.
Sumala sa opisyal, padayon nga nagpatuman ang NIA sa mga mitigation ug adaptation projects aron maminusan ang epekto sa kakulangon sa tubig sa mga umahan.
Bisan og nakagtala og pag-ubos sa water levels sa pipila ka dam sa nasud, gibutyag ni Guillen nga hugot nilang gi-monitor ang sitwasyon aron masseguro ang saktong pag-apod-apod sa tubig para sa irigasyon.
Dungan niini, nanawagan ang NIA sa mga mag-uuma nga magtanom og mga high-value crops nga dili manginahanglan og daghang tubig sama sa mais ug munggos.
Padayon usab nga magpatuman ang NIA og mga solar irrigation projects sa nagkadaiyang lugar aron matabangan ang mga mag-uuma nga makaya ang epekto sa grabeng init ug kakulangon sa tubig nga hatud sa El Niño.
