BUTUAN CITY – Nagpabiling pinakadako nga hinungdan sa kamatayon sa mga Pinoy niadtong 2025 ang ischemic heart diseases. Sumala sa provisional report sa Philippine Statistics Authority (PSA), mi-abot sa 111,896 ang kaso sa pagkamatay tungod sa ischemic heart diseases gikan Enero hangtod Nobyembre 2025 kansa bugti sa 19.7% sa tanang namatay sa nasud.
Ang ischemic heart disease mao ang kondisyon kondiin kulang ang suplay sa dugo sa ka-unuran sa kasingkasing, resulta sa kakulang sa oxygen.
Kasagaran tungod kini sa pagtapok sa fatty plaques sa coronary arteries nga nagbabag sa agi-anan sa dugo.
Ikaduhang hinungdan sa pagkamatay mao ang neoplasms nga adunay 64,864 kaso o 11.4% kon abnormal nga pagtubo sa mga selyula nga mahimong tumor kung dili sila mamatay sa hustong oras.
Ikatulo ang cerebrovascular diseases nga adunay 55,756 kaso o 9.8%, lakip na ang stroke, stenosis sa mga ugat sa utok, aneurysm, ug vascular malformations.
Giklaro sa PSA nga ang datos base sa mga reports nga na-proseso hangtod Marso 31, 2026 ug posible pa kining mausab sa opisyal nga report nga ipagawas sa Enero 2027.
