BUTUAN CITY- Gikwestyon ni Senador Jinggoy Estrada ang paspas nga pagsibog sa mga kasong gipasaka batok sa pipila ka miyembro sa majority sa Senado, uban sa iyang kaugalingong gi-atubang nga plunder ug graft case kalabot sa daw flood control scandal.
Sumala ni Estrada, namatikdan niini ang paspas nga pagpasaka sa kaso sa majority bloc sukad nag-ilis og liderato sa Senado niadtong Mayo 11, kung asa gihulipan ni Senador Alan Peter Cayetano si Senador Vicente “Tito” Sotto III isip Senate President.
Gikasa usab matud pa ang mga kaso batok nila Sen. Chiz Escudero, Sen. Joel Villanueva, ug Sen. Rodante Marcoleta, gawas sa iyang kaugalingong kaso.
Taliwa paman niini gipasaka sa Ombudsman, nga walay girekomendang piyansa sa kaso ni Estrada nga gisumite sa Sandiganbayan. Kalabot kini sa alegasyong mingdawat matud pa kini og P573 million kickback gikan sa mga proyekto sa flood control.
Hugot usab nga gilimod sa senador ang mga alegasyon ug gi-insistar nga andam kining mogamit sa tanang legal remedies aron kuwestiyunon ang mga niini.
Matud pa niini, adunay mga ebidensyang nga wala mahatagan og igo nga timbang, lakip ang suwat gikan sa Senate Legislative Budget Research and Monitoring Office (LBRMO) kansa naglatid nga wala kini naghimo og budget insertions sa 2025 national budget.
Gitumbok usab ni Estrada nagw ala kini nahatagan og igo nga higayon aron susihon ang mga resolusyon sa Department of Justice (DOJ) ug Ombudsman adiser gipasaka ang kaso, diin sumala pa niini adunay epekto sa iyang katungod sa due process.
Paginsistar pa sa Senador, padayon niining depensahan ang iyang panagalan ug pangitaon ang kamatuoran pinaagi sa hustong legal process.
