BUTUAN CITY- Mi-abot sa 20 ka mga tawo ang patay sa gilusad nga bag-ong airstrikes sa Israeli forces sa Lebanon taliwa sa nagtunhay nga ceasefire kansa naka-angol og daghan pang uban .
Sumala sa Health Ministry ug state media sa Lebanon, didto sa Al-Baqbouq area sa amihanan sa siyudad sa Tyre, lima ang patay ug duha ang samdan tungod sa air raid samtang upat ka patay’ng lawas ang nakuha sa rescue teams, apan usa ka babaye ang nabilin pa ilawom sa mga guba tungod sa padayon nga pagbomba.
Samtang sa Seir al-Gharbiya sa Nabatieh district, siyam ang patay ug unom ang samdan human gibombahan ang usa ka residential building. Sa al-Rafid sa Rashaya al-Wadi district, usa ang patay ug usa ang samdan dihang gi- atake ang usa ka balay gawas pa sa pag-atake sa al-Shahabiya, ug Deir Qanoun en-Nahr sa Tyre district.
