BUTUAN CITY- Gipadayag sa National Bureau of Investigation nga ila dayong dalhon sa Department of Justice si Sen. Bato Dela Rosa oras nga ila kining malampusong maaresto.
Sumala mismo sa direktor sa departamento nga si Atty. Melvin Matibag, i-turn over matud pa nila ang senador sa departamento ugaling ma-aresto na kini sa ilang mga personnel.
Kini matud pa ang sunod nga lakang nga himuon sa departamento sa ilang gipatumang ‘arrest warrant’ nga gipagawas sa International Criminal Court batok kang Sen. Dela Rosa.
Gipa-ambit sa direktor nga gisalig na nila sa Department of Justice ang pagproseso sa kaso sa magbabalaod ugaking dalhon kini sa International Tribunal.
Apan sa kampo usab sa Department of Justice, ang departamento nagdumili sa pagkumpirmar kung ang ilang sunod nga lakang mao ang pagdala dayon sa senador ngadto sa The Hague, Netherlands.
Sumala mismo ni Justice Secretary Fredderick Vida, nga ang maong hisgutanan ‘operational matters’ na mao nga dili kini pwedeng hisgutan o isapubliko.
Usa ang ang National Bureau of Investigation sa gimaduan sa Justice Department nga pangunahan ang implementasyon sa warrant batok kang Sen. Dela Rosa.
Kani-adto lang gimanduan na sa departamento ang kawanihan nga arestuhon ang magbabalaod human gibasura sa Korte Suprema ang hangyo nga ‘interim relief’ sa senador kansa tumong matud pa nga pugngan ang pag-aresto ug pagsilbi sa warrant gikan sa International Tribunal.
Bisan paman, gi-ankon ni Dir. Melvin Matibag nga sa kasamtangan wala silay gisunod nga ‘timeline’ kung kanusa hingpit ma-aresto si Sen. Dela Rosa.
