BUTUAN CITY- Nagbangga sa kahanginana ang duha ka fighter jets atol sa usa ka air show sa northwestern state sa Idaho niadtong Domingo, Mayo 17.
Sa usa ka statement, gikomperma sa Gunfighter Skies Air Show’s website ang aircraft incident nga nahitabo sa may Mountain Home Air Force base, duha ka milya gikan sa northwest sa maong air force base.
Kasamtangang anaa sa collision insidente ang emergency responders, kung asa gihimo na usab ang imbestigasyon sa insidente ug gikatakdang ipagawas ang dugan detalye sa oras nga mahimong available na ang mga niini.
Base sa report, swerteng nakaluwas ang tanang upat ka crew member gikan sa duha ka US Navy EA-18 fighter jets human mag-eject ug mingkanaog sakau sa ilang mga parachute.
Base sa gipa-ambit nga video online, nagbangga ang duha ka two-seat electronic warfare jets samtang minghimo og aerial exhibition. Mingtuyok ang mga niini sa kahanginan ug nahagsa gawas sa base adiser mingbuto.
Gi-lockdown gilayon ang Mountain Home Air Force Base ug gi-cancel ang nabiling parte sa air show aron hatagan og dalan ang emergency response ug imbestigasyon. Gani walay natalang na-angol sa mga nanan-aw.
