BUTUAN CITY- Pormal nang gihangyo sa Office of the Solicitor General (OSG) sa Korte Suprema nga ibasura ang mga petisyon ni Sen. Ronald “Bato” dela Rosa kansa nagtumong nga babagan ang pagpatuman sa arrest warrant sa International Criminal Court (ICC) batok niini.
Sa gisumeteng komento sa OSG alang sa kasong General Register No. 278747, gi-awhag niini ang Supreme Court nga ibasura ang Urgent Manifestation with Omnibus Motion ug Extremely Urgent Supplemental Manifestation with Motion sa senador tungod sa kawalay igo nga basehan o lack of merit.
Pagpasabot sa gobyerno nga posibeng legal nga ipatuman sa mga awtoridad sa Pilipinas ang kamanduan sa ICC bisan walay separate warrant nga gipagawas sa lokal nga korte.
Gisumite ang tubag human gihatagan sa Korte Suprema ang executive branch sa nasud og 72-hour non-extendible period aron magpadayag sa ilang bahin. Kahinumdumang nangayo og tabang sa hudikatura ang kampo ni Dela Rosa aron pugngan ang unsa mang pag-aresto, pagpapriso, o pagsurrender niini human gikomperma sa ICC ang pagpagawas og warrant kalabot sa imbestigasyon sa “war on drugs” sa administrasyon ni kanhi President Rodrigo Duterte.
