BUTUAN CITY – Posibleng ipataas pa gihapon sa yellow alert ang Luzon grid tungod sa nipis nga reserbang kuryente karung adlawa, Mayo 15, 2026.
Sigon ni Department of Energy kon DOE Usec. Mario Marasigan, naplastar na sa National Grid Corporation of the Philippines (NGCP) ang duha nga nagubang transmission lines, partikular ang Tayabas-Ilijan ug Ilijan-Dasmariñas 580 kV Transmission Lines.
Tungod niini, nakahatag na usab og supply ang Excellent Energy Resources Units 1 ug 2 sa Batangas nga na-isolate sa dihang naguba ang Ilijan-Dasmarinas Transmission Line.
Naayo na usab ang Masinloc Unit 3 nga anaa sa Zambales nga nagka-aberya kagahapon.
Bisan paman niini, gipaabot pa sa DOE ang detalyadong taho sa NGCP mahitungod niini.
Samtang sa Visayas usab, gipasabot ni Marasigan nga ang grabe ka-init sa panahon ang hinungdan sa mas ubos nga kapasidad sa mga power generation facility.
Gi-obserbahan na usab ang uban pang pasilidad sa NGCP aron mapug-ngan ang posibleng mga aberya.
