BUTUAN CITY- Nag-atubang karon og bug-at nga kasong kriminal ang usa ka mayor sa Arcadia, California, nga si Eileen Wang, 58-anyos, human kini gi-alegaran nga naglihok isip “illegal agent” alang sa People’s Republic of China. Sumala sa mga awtoridad sa Estados Unidos, ang maong opisyal migamit sa iyang posisyon aron iduso ang interes sa mga Intsik bugti sa mga pabor ug pinansyal nga benepisyo.
Base sa gipagawas nga dokumento sa korte, nakalatid niini nga wala magpahibalo si Mayor sa Department of Justice kalabot sa pakig-alayon niini sa langyaw nga gobyerno, butang nga gidili ubos sa balaod sa Amerika.
Gawas sa pagka-agent, giimbestigaran usab ang uban pa niining mga transaksyon nga duna’y kalambigitan sa korapsyon. Kon mapamatud-an nga sad-an ang maong Mayor, possible kining mag-atubang og dugay nga pagkapreso.
