BUTUAN CITY – Gi-anunsyo ni Australian Foreign Minister Penny Wong ang ilang gipahamtang nga bag-ong mga sanctions ngadto sa pito ka mga Iranian individuals ug upat ka mga entities, tungod sa nagpadayong brutal nga oppression sa ilang mga tawo ingon man destabilisasyon sa rehiyon.
Sigon ni Wong, gimasaker sa Iranian regime ang libuan nilang katawhan ug naglisad og mass arrests ngadto sa mga malinawong protesters.
Apil sa pito ka mga indibidwal ug ipat ka mga entities nga ilang gi-sanction ning adlawa ang mga senior officials ug mga entities nga nalambigit sa makalilisang mga aksyon apil na ang pag-abuso sa kabataan ug kababayen-an.
Dugang ni Wong, ang mga sanctions nag-target usab sa shadow banking system sa Iran nga nagtugot sa paghatag og pundo ngadto sa mga terrorist proxies sama sa Hamas, pagsuporta sa ilang ballistic missile program, ug ubang mga destabilising actions.
Gipatuman ang mga bag-ong sanctions human usab ang pagpatuman og samang lakang sa United Kingdom ug Estados Unidos.
Sigon sa US, parte kini sa ilang “Economic Fury” plan aron masiguro nga ang Iran dili na makapundo sa alang sa ilang mga weapons programs, mga terrorist proxies, ug mga nuclear ambitions.
