-- ADVERTISEMENT --
BUTUAN CITY – Nagpagawas na og subpoena ang Criminal Investigation and Detection Group (CIDG) batok kang Senador Ronald “Bato” dela Rosa kalabot sa imbestigasyon sa gika-ingong extra-judicial killings (EJKs) sa Davao Region.
Gipatawag ang senador aron mupatim-aw sa Camp Crame karong Mayo 14, aron maghatag og sworn statement ug magsumite og mga dokumento ug impormasyon bahin sa kaso.
Ang imbestigasyon konektado sa mga pagdungog sa mi-aging House Quad Committee sa Kamara ug sa mga pamahayag ni retired SPO3 Arturo Lascañas mahitungod sa gika-ingong mga pagpamatay sa Davao kaniadto.
Sumala sa CIDG, posible nga mag-atubang og indirect contempt ang senador kung dili siya motubag sa subpoena nga wala’y igong rason.
