BUTUAN CITY – Dako ang pagtoo sa legal expert nga si Atty. James Reserva nga kung maghiusa lang ang siyam ka senador nga pabor sa mga Duterte, igo na kini aron mapukan ang impeachment complaint batuk kang Vice President sara Duterte ugaling moabot sa impeachment court.
Samtang duna pay pipila sa 15 ka mga senador ang kinahanglan pangmaghuna-huna kung asa kini mopabor tungod kay basin ma-alanganin ang ilang kampanya sa 2028 nga election.
Kini dayung pamugos nga walay impartial sa mga magbabalaod.
Sa House of Representatives, gibutyag ni Reserva nga posibleng makakuha og dakong boto aron paboran ang impeachment tungod kay gigamit ang kwarta og pagpanghulga aron ma-ipit ang mga kongresista.
Nagtoo usab si Atty. Reserva nga kung ang kapalaran ni Vice President Sara Duterte mahimo gayung presidente, bisan og unsa pay buhaton sa paghugaw-hugaw o pagpakis-pikas sa iyang ngalan, dili gayud kini makapugong sa iyang pagka-presidente.
Susama usab nga kung dili pagka-presidente ang iyang kapalaran, bisan paman og unsa siya kakusog karun, kung mawad-an og paglaum ang mga tawo nga mosuporta, wala gayud siyay mabuhat.
