BUTUAN CITY – Nakabaton og dakong panagbangga sa plenaryo sa Kamara human giakusahan ni Batangas Rep. Leandro Leviste ang pipila ka tag-as nga opisyal sa bilyones pesos nga vote-buying ug hilabihang paggastos sa kampanya niadtong 2025 elections.
Hugot nga gilimod ni Quezon Rep. David Suarez ang pagkalambigit sa iyang probinsya ug gihagit si Leviste nga magpakita og dokumento o sworn statements isip ebidensiya.
Samtang gitumbok ni Deputy Speaker Janette Garin ang privilege speech ni Leviste, nga gitawag niyang “hearsay” ug walay igong basehan ug naghaon og mosyon nga tanggalon sa opisyal nga record ang mga pamahayag.
Kauban sa pipila pa ka magbabalaod sama nila Rep. Leila de Lima ug House Majority Leader Sandro Marcos, gipamugos sa Kamara nga dili dapat himoong entablado ang plenaryo para sa mga walay ebidensiyang akusasyon.
Gidepensahan usab ni Rep. Ryan Recto ang iyang pamilya batuk sa mga pasangil sa pagbutyag sa kalambigitan kang Rep. Edwin Gardiola nga usa ka propesyonal lang.
Sa katapusan, gibarugan ni Leviste ang iyang mga alegasyon base sa “research ug estimates,” apan giklaro nga ang kadaghanan sa mga kaubanan niya hugot nga misupak ug naghiusang ipatanggal ang iyang mga pamahayag sa opisyal nga listahan.
