BUTUAN CITY – Nakapyansa na si social media personality Eric Celiz balor ₱36,000 ngadto sa usa ka korte sa Pasay City kaganina may kalabutan sa mga kasong pagpakaylap matud pa og mga sayop nga impormasyon kalabot sa panglawas ni Pangulong Ferdinand Marcos Jr.
Sigon sa iyang abogadong si Atty Mark Tolentino, nag-atubang si Celiz og kasong unlawful publication sa Pasay City Regional Trial Court (RTC) Branch 119, apan gi-aprubahan ug gidawat na sa korte ang iyang bail bond.
Dugang ni Atty Tolentino, wala’y nagtunhay nga legal nga basehan alang sa iyang pag-aresto may kalabutan sa susamang kaso samtang magpabiling balido ang iyang pyansa.
Gawas niini, nag-atubang usab si Celiz og kasong cyberlibel case sa Pasay RTC Branch 111.
Komitido matud pa sila sa rule of law ug matinud-anong pag-obserba sa tanang constitutional guarantees, apil na ang presumption of innocence ug katungod sa due process.
Madumdumang ang National Bureau of Investigation ang mipasaka og reklamo batuk kang Celiz niadtong Pebrero tungod sa pagpublisar matud pa sa maong content sa iyang Youtube channel.
___
