BUTUAN CITY- Hugot nga gilimod ni Atty Manases “Mans” Carpio, bana ni Vice President Sara Duterte, pagkalambigit sa P6.7 billion bank transactions nga gitaho sa Anti-Money Laundering Council (AMLC), ug gitawag kining “fake ug blatant lie.”
Sumala sa iyang abogado nga si Atty. Peter Paul Danao, misleading matud pa ang kantidad nga gipagawas sa hearing sa kamara tungod kini kinatibuk-ang kantidad lang matud pa sa mga transaksyon ug dili aktuwal nga bahandi.
Pagklaro sa kampo ni Carpio nga gi-isa lang sa AMLC ang managlahing transaksyon hinungdan nga ming-abot og bilyon ang kantidad, kansa gi-ingong “bloated” ug wala minghulagway sa tinuod nga financial standing niini.
Mipasidaan usab ang agbogado niini sa posibleng paglapas sa katungod sa privacy ug due process, hilabi na ang pagbulgar sa mga bank records nga posibleng makapahimo og kabalaka sa publiko ug industriya sa pagbangko.
Pag-insistar sa kampo ni Carpio, nga ang susamang lakang posibleng magbukas og risgo sa precedent ug makaguba sa pagsalig sa katawhan sa sistemang pinansyal sa nasud.
