BUTUAN CITY – Aduna na usa’y kahigayunan ang defense team ni kanhi Pangulong Rodrigo Duterte nga i-apela ang pagpagawas kaniya gikan sa detention facility sa International Criminal Court kon ICC human nagdesisyon ang mga huwas nga i-review ang iyang pagkadetine adiser pa ang umalabot nga pagtaral sa kasong iyang gi-atubang.
Sa upat ka palid nga order, gimanduan sa Trial Chamber III ang tanang panig pagsubmite sa ilang mga obserbasyon kalabot sa pagkadetine ni Duterte.
Nakalatid sa kamanduan nga gipirmahan nila Presiding Judge Joanna Korner ug Judges Keebong Paek ug Nicolas Guillou, nga na-obserbahan sa chamber base sa statutory framework, nga ang pre-trial detention sa akusado, kinahanglang repasuhon o i-review sa dili mu-ubos matag-120 ka mga adlaw.
Subay sa development human ang tinuig nga pagtuon, gikonsidera sa chammber nga importanteng hatagan angmatag-partido ug ang mga partisipante, og kahigayunan pagsubmite sa bisan unsa nilang na-obserbahan kalabot sa padayong pagkadetine o kaha pagbuhi sa akusado, duna man o wala’y kondisyon apil na ang nagtunhay nga bisan unsa mang na-usab nga sirkumstansya. .
Madumdumang ning mi-aging tuig, gi-deny sa ICC Pre-Trial Chamber I ang hangyo alang sa interim release ni Duterte sa rasong nagpabilin matud pa kining flight risk nga maghatag og hulga ngadto sa mga witnesses kansa gi-affirm usab sa ICC Appeals Chamber.
Niadtong Enero ning tuiga, gi-review sa mga pre-trial judges ang pagkadetine ni Duterte ug nagdesisyong i-remand siya sa detensyon kansa gi-affirm usab sa Appeals Chamber.
Ang 81-anyos nga si Duterte, nadetine sa ICC Detention Center sa Scheveningen prison sa Hague sukad siya na-aresto ug na-turnover ngadto sa international tribunal niadtong Marso ning mi-aging tuig 2025.
Gisugyot gilayon sa iyang defense team ang indefinite adjournment sa proceedings, tungod sa nagkapupos matud pa niyang panglawas nga maoy rason nga dili siya fit aron mutambong sa pagtaral.
