-- ADVERTISEMENT --
BUTUAN CITY – Gipahigayon kagahapong adlawa ang sagradong ritwal isip pagsugod usab sa Palarong Pambansa 2026.
Gihimo kini sa upat ka Indigenous Peoples sa Agusan del Sur – ang Manobo, Higaonon, Banwaon, ug Talaandig – isip sa pagpakita sa panaghiusa sa nagkadaiyang kultura.
Pinaagi sa ritwal, nangayo og panalangin, giya ug panalipod kang Magbabaya aron mahimong malinawon ug hapsay ang pagpahigayon sa maong nasudnong kompetisyon.
Usa kini ka pagpasidungog sa lawom ug lig-on nga tradisyon sa mga Lumad, mga kabilin nga padayon nga ginahalad, ginadayeg, ug girespeto sa matag AgSurnon.
