BUTUAN CITY- Ming-abot na sa ka 52 barangay ang apektado sa ashfall tungod sa padayon nga pagsaka sa aktibidad sa Bulkang Mayon, sumala sa Office of Civil Defense (OCD) kagahapon Sabado, Mayo 2, 2026.
Base sa taho sa Philippine Institute of Volcanology and Seismology (PHIVOLCS), managsunod nga volcanic activity ang nakapahimo og baga nga abo ang mingtabon sa nagkanda-iyang parte sa Albay.
Bandang alas-4:28 sa hapon, adunay lava collapse sa summit sa bulkan nga nag-generate sa pyroclastic density currents (PDCs) partikular sa Mi-isi Gully sa southwestern slopes. Gibana-banang ming-abot na sa 4 ka kilometro ang gipagawas sa PDCs, nga gi-ilang pinakadako sukad sa kataposang pagbuto sa Mayon.
Sigon ni PHIVOLCS Director Dr. Teresito Bacolcol, nagpabilin sa Alert Level 3 ang bulkan, indikasyon sa magmatic unrest ug posibilidad sa mas delikado nga pagbuto. Tungod niini, hugot nga gibawal ang pagsulod sa 6 km Permanent Danger Zone (PDZ).
Gipahimangnuan usab ang mga residente nga magpabilin sulod sa ilang panimalay kung adunay ashfall, mogamit og protective masks, ug gisuraduhong gitakloban ang pagkaon ug tubig aron malikayan ang kontaminasyon.
Sa kasamtangan, padayon ang koordinasyon saOCD, PHIVOLCS, ug lokal nga pangamhanan aron masiguro ang kaluwasan sa mga katawhan.
Ang mga barangay nga apektado sa ashfall gilangkoban sa Camalig, Guinobatan, Daraga, ug Legazpi City, kung asa nakapwesto na usab ang mga volunteers ug disaster response teams alang sa dali-ang tabang.
