BUTUAN CITY – Kampante si Fr Joel Saballa – ang complainant sa ikatulong impeachment complaint batuk kang Vice President Sara Duterte nga makakuha og igong suporta gikan sa plenaryo sa Kamara ang maong mga reklamo.
Sa interview sa Bombo Radyo Philippines, gipadayag niiing seguradong magbase gihapon ang mga magbabalaud nga ilang nakuhang mga ebidensya gikan sa upat ka mga hearings sa House Justice Committee.
Sigon ni Fr Saballa, na-establisar na sa komite ang igong ebidensya aron suportahan ang grounds for impeachment ug seguradong kini usab ang makita sa kadaghanang mga magbabalaud kung dalhon na ang consolidated articles of impeachment sa ilang plenaryo.
Saysay pa ni Fr Saballa, niadtong giduso sa iyang grupo ang ikatulong reklamo, wala pa sila’y gikuptan kaniadtong igong ihap sa mga magbabalaud nga musuporta niini.
Kini ang rason nga nakuratan siya nga ang tanang mga membro sa komite, misuporta sa ilang reklamo. Kini ang rason nga kampante siyang suportahan ang reklamo ilabina nga bug-at ug igo ang mga ebidensyang napresenta sa panel.
