BUTUAN CITY – Nagpagawas og security alert ang United States embassy sa London kondiin gimanduan ang ilang mga kababayan sa United Kingdom nga mag-amping human gi-isa sa British government ang national threat level ngadto sa severe.
Gitambagan sa embahada ang ilang katawhan nga magpabiling alerto sa mga pampublikong lugar ug dili magpaduol sa mga tunghaan, mga simbahan, mga tourist locations ug mga transportation hubs.
Gipahimangnuan usab nila ang ilang mga US nationals nga lahi-lahion ang ilang mga ruta ug oras sa pagbiyahe aron mamintina ang low profile ug dili ma-pattern.
Sigon sa domestic intelligence agency sa UK nga mao ang MI5, gi-isa sa Joint Terrorism Analysis Centre ang ilang threat level gikan sa substantial ngadto na sa severe – ang ikaduha sa pinakataas nga level kansa timaan nga duna’y matigayong pag-atake sa musunod nga unom ka mga buwan. .
Nasayrang nakasinati karon ang UK og inanay ug nagkataas nga terrorist threats dayong pasabot nga ang ka-usaban sa threat level gipatuman human ang pagpangluba sa duha ka lalaking Hudiyo sa Golders Green area sa London..
