BUTUAN CITY – Aprubado na House Committee on Justice pinaagi sa unanimous vote human nga 53 ka mga membero sa komite ug wala’y misupak, rason nga nadeterminang aduna’y probable cause ang impeachment complaints batok kang Vice President Sara Duterte partikualr ang Saballa ug Cabrera complaints.
Kini nagpasabot nga ang kaso molihok na ngadto sa plenaryo sa House of Representatives ug posible nga mahatod sa Senado alang sa impeachment trial.
Ang mga reklamo gikutay ngadto sa sayop matud pang paggamit sa P612.5M nga confidential funds sa Office of the Vice President ug sa Department of Education.
Kini human usab nasubay sa mi-agi nilang clarificatory hearings nga wala’y gi-report nga cash on hand ug bank accounts sa iyang Statements of Assets, Liabilities, and Net Worth kon SALN ang besi presidente gikan niadtong tuig 2019 hangtud 2024.
Madumdumang na-flag sa AMLC report ang ₱6.7 bilyon nga suspicious transactions sa ngalan ni Duterte ug sa iyang bana nga si Atty Manases Carpio.
Gawas pa kini sa pagbahad usab sa besi presidente ngadto nila President Ferdinand Marcos Jr., First Lady Liza Araneta Marcos, ug ex-Speaker Martin Romualdez.
Alayon niini, gitakda na sa Mayo 4 ning tuiga ang plenary votesa House of Representatives kondiin kinahanglan ang 1/3 sa mga membro sa Kamara kon 106 gikan sa 318, ang mubotar aron ma-endorso ang Articles of Impeachment ngadto sa Senado alang unya sa impeachment trial.
Kini na ang ikaduhang higayon nga nag-atubang si VP Duterte ang impeachment sunod ning mi-aging tuig kansa gi-archive lang sa Senado tungod sa mga kalapasan.
