-- ADVERTISEMENT --
BUTUAN CITY – Mi-abot na sa 15 ka mga tawo ang namatay ug 88 ang angol sa panagbangga sa tren duol sa Jakarta, Indonesia, kondiin kadaghanan sa mga biktima, mga babaye.
Nahitabo ang insidente sa Bekasi Timur Station tali sa usa ka long-distance train nga maoy mibangga sa likod nga bahin sa nakapundo nga commuter train.
Sumala sa state-owned railway operator PT Kereta Api Indonesia, luwas ang 240 ka pasahero sa long-distance train nga na-apil sa insidente.
Nagpadayon ang imbestigasyon sa mga awtoridad, lakip ang Indonesian police ug ang National Transportation Safety Committee, aron masuta ang hinungdan sa aksidente.
Nahuman na usab sa National Search and Rescue Agency (Indonesia) ang rescue operation ug wala nay nadugang nga biktima.
-- ADVERTISEMENT --
