BUTUAN CITY – Migawas sa usa ka bag-ong pagtuon nga ang regular nga pag-inom og upat ka tasa nga kape matag-adlaw mahimong adunay positibong epekto sa mood ug lebel sa stress.
Nasayrang ang mga kausaban sa mood ug stress nalambigit usab sa mga kausaban sa gut bacteria ug sa lebel sa pipila ka metabolites.
Kadaghanan sa mga kausaban sa mood ug sa tiyan nahitabo samtang nag-inom og kape nga adunay caffeine ug bisan decaffeinated coffee.
Ang kape dili lang makaapekto sa imong enerhiya sa buntag; maka-impluwensya usab kini sa komposisyon sa gut microbiota, nga mahimo usab maka-apekto sa mood ug lebel sa stress.
Sumala sa pagtuon sa APC Microbiome Ireland, ang kape labaw pa sa caffeine, kansa usa ka komplikadong dietary factor nga nakig-interact sa atong gut microbes, atong metabolismo, ug bisan sa atong emosyonal nga kahimtang.
Ang termino nga gut microbiota nagtumong sa tanang nagkalain-laing mikroorganismo sama sa bacteria nga nagpuyo sulod sa digestive tract.
Importante kaayo sila nga bahin sa gut microbiome, nga wala lang nagpasabot sa microbes kondili apil na usab sa palibot diin sila nagpuyo.
