BUTUAN CITY – Dili moubos sa upat na katawo ang namatay human magbangga ang duha ka tren sa siyudad sa Bekasi, dool sa kabisera nga Jakarta, kagabii.
Nahitabo ang aksidente sa Bekasi rail station diin nagbangga ang usa ka commuter line train ug usa ka long-distance train.
Gikumpirma usab sa railway operator sa Indonesia, nga upat ang kumpirmadong namatay samtang 38 pa ang gidala sa mga kasikbit nga ospital.
Nagpasidaan si Deputy Speaker Sufmi Dasco Ahmad nga mamahimong mosaka pa ang ihap sa mga biktima tungod sa nagpadayon pa ang rescue operations.
Sumala sa mga taho, gibana-banang unom hangtud sa pito katawo pa ang naipit sulod sa mga bagon, rasong padayon ang pagputol sa mga rescue team sa mga puthaw nga parte sa tren aron maluwas ang uban pa.
Alayon niini gihimo na usab sa Jakarta Police ang imbestigasyon aron matumbok ang hinungdan sa panagbangga.
Nasigpatan usab ang dili moubos sa 20 ka ambulansya sa lugar sa insidente samtang mitabang ang mga rescuers gikan sa national disaster ug rescue agencies sa paghikling sa mga pasahero.
